بۆ ماریا
قەمەرەکەت لە پارکی ئیسکانی نوێ را دەگریت و
بەرەو خواردنگە و چێشتخانەکان دەچیت. بۆن و بەرامەی خواردنەکان گەدەت بە تەواوی
دەوروژێنن. بەڵام تۆ ئەمشەو حەزت چووەتە سەر رۆست و دەتەوێت بۆ یەکەمجار تاقی
بکەیتەوە. کاتی خۆی مێردەکەت و پێشتریش کوردەی برات کە باسی ئەم شەقامەیان دەکرد
بە چێژەوە باسی ئەو رۆستەیان دەکرد. تۆیش چەندین جار داوات لێ کردبوون لەگەڵیان
بچیت تا ئەو خواردنە تاقی بکەیەوە، بەڵام هەرگیز داواکەت جێبەجێ نەبوو.
