بۆیە رقم لە سەری ساڵە

ئەنتۆنیۆگرامشی

هەموو سپێدەیەك کە سەر لەنوێ لە ژێر ئەم ئاسمانەدا لە خەو رادەبم، وا هەست دەکەم ئەو رۆژە بۆ من سەری ساڵە.
ئەوە بۆیە رقم لە بۆنەکانی سەری ساڵە، ئەوەتا وەك پشك بۆمان دیاریکراوە، ژیان و خەیاڵی مرۆڤیان گۆڕیوە بۆ کەڵکەڵە و خەمێکی بازرگانی کە دەبێت لە کۆتاییدا حسابەکە بە رێك و پێکی بدەیت، بڕێکیشت لەسەر دەمێنێتەوە و ئەوجا بودجە بۆ بەڕێوەچوونی تازە دادەنێیت. ئەم جەژنانە بەردەوامێتی ژیان و خەیاڵمان لێ ون دەکەن، ئاخر وامان لێ دەکەن کە بە جیدیی باوەڕ بێنین بەوەی ماوەیەك لە نێوان ساڵێك و ساڵێکی دیکەدا هەیە، مێژوویەکی نوێ دەست پێ دەکات، ئیتر بڕیارەکانمان دەدەین و پەشیمان دەبین لە دڕدۆنگییەکانمان و ئا بەم جۆرە. ئەمە بە گشتی هەڵەی هەموو مێژووە دیاریکراوەکانە.

ماناکانی خیانەت لە پەیوەندی هاوسەرییدا

له ‌کوردستان به‌شی زۆری تاوانه‌کانی کوشتنی مێینە له‌سه‌ر هه‌بوون(یا گومان له‌بوونی) په‌یوه‌ندییه‌کی خۆشه‌ویستی و سێکسی ئه‌نجام ده‌درێن و له‌ نێو قوربانییه‌کانیشدا ژنی مێرددار هه‌ن، کاردانه‌وه‌کانی تا‌که‌کانیش (له‌وه‌ گه‌ڕێ که ‌کاردانه‌وه‌ی دامه‌زراوه‌ و گروپه‌کان به‌ گشتی  خۆپارێزانه ‌و موجامه‌له‌چییانه‌یه‌) به‌رامبه‌ر به‌ کوشتن به ‌ناوی خیانه‌ته‌وه ‌لە باشترین حاڵەتیدا لە‌ هه‌ڵوێستێکی سۆزدارییانه‌ تێناپه‌ڕێت و ئەوەی باوە لۆمه‌کردن و سەرزەنشتکردنی قوربانییەکەیە بەوەی سوچ و گوناهی خۆیەتی کە کوژراوە. کاردانه‌وه‌ی بەشی زۆری ژنانیش له‌ ئاست خیانه‌تی هاوسه‌ریدا کارتێکراوه‌ به‌و پێناسه‌یه‌ی که‌ که‌لتووری پیاوسالاری بۆ بنه‌ما و چوارچێوه‌کانی بۆ داڕشتووه. بۆیە دەبینین لە هەڵوێست وەرگرتنیاندا لە بەرامبەر کوشتن لەسەر خیانه‌تی هاوسه‌ری تۆمه‌ت و به‌رپرسیارێتی بەسەر ژندا فڕێ دەدەن‌ و ئەو بە گوناهباری سەرەکی دەزانن، واته‌ هێنده‌ی خیانه‌ته‌که‌(هۆکاری کوشتنه‌که‌) مرۆڤه‌کان راده‌گرێت ئه‌وه‌نده‌ خودی کوشتنه‌که‌ و هۆکاری خیانه‌ته‌که‌ مرۆڤه‌کان راناگرێت و پرسیاریان لا دروست ناکات. 

جیهانێك به‌بێ سیاسییه‌كان

خوێندنه‌وه‌یه‌ك بۆ كتێبی ( سیاسه‌ت به‌بێ سیاسییه‌كان)

ئایا رۆژگارێك دێته‌ پێشه‌وه‌ كه‌ كۆمه‌ڵگه‌ بۆ به‌ڕێوه‌بردن ‌و رێكخستنی كار‌وباره‌كانی پێویستی به‌ سیاسه‌تمه‌داره‌كان یا توێژی سیاسییه‌كان نه‌مێنێت یا به‌رده‌وام پێویستی به‌ بوونی ئیلیتێكی (ده‌سته‌بژێر)ی سیاسیی لێبڕاو ‌و خۆته‌رخانكه‌ر هه‌یه‌ بۆ فه‌رمانڕه‌وایی ‌و به‌ڕێوه‌بردنی وڵات؟ ئایا به‌شداریی سیاسییانه‌ی هاووڵاتییان به‌ ته‌نها له‌ پرۆسه‌ی ده‌نگداندا كورت ده‌بێته‌وه‌ یاخود شێوازی كاراتر ‌و كاریگه‌رتر هه‌یه‌ بۆ چالاكیی سیاسی؟ بۆچی تا ته‌مه‌نی پرۆسه‌ی هه‌ڵبژاردن ‌و ده‌نگدان بچێته‌ سه‌ره‌وه‌ رێژه‌ی به‌شداریكردنی ده‌نگده‌ران له‌ هه‌ڵبژاردنه‌كاندا كه‌م ده‌كات؟... (عه‌كیفا ئور)(١) بیرمه‌ندی ئیسرائیلی له‌ كتێبی (سیاسه‌ت به‌ بێ سیاسییه‌كان) دا وه‌ڵامی ئه‌و پرسیارانه‌ ‌و گه‌لێك پرسیاری دیكه‌ ده‌داته‌وه‌ كه‌ سه‌باره‌ت به‌ به‌شداریی سیاسیی تاك ده‌كرێن.
له‌ به‌شی هه‌ره‌ زۆری وڵاتانی جیهاندا به‌شداریی سیاسیی تاك له‌ ده‌نگداندا كورت ده‌كرێته‌وه‌، مه‌به‌ست له‌مه‌یش پێكهێنانی وێنایه‌كه‌ له‌ ئه‌ندێشه‌ی تاكدا كه‌ نه‌چوون بۆ ده‌نگدان وه‌ك جۆرێك له‌ بێهه‌ڵوێستی بگه‌یه‌نێت، ئایا ئه‌مه‌ تا چه‌ند راستیی له‌گه‌ڵا خۆیدا هه‌ڵگرتووه‌، واته‌ ئایا به‌ راست نه‌چوونی هاووڵاتییان بۆ به‌رده‌م سندوقی ده‌نگدان، سه‌ركزكردن ‌و خۆدزینه‌وه‌یه‌ له‌ به‌رپرسیارێتی؟ لێره‌دا هه‌ڵبژاردنه‌كانی نیسانی ساڵی 2013 به‌ نموونه‌ ده‌هێنینه‌وه‌ كه‌ له‌ هه‌رێمی كوردستان ئه‌نجام درا. له‌و هه‌ڵبژاردنانه‌دا رێژه‌ی به‌شداریكردن له‌ ده‌نگداندا نزیكه‌ی 76% بوو، به‌ مانای رێژه‌ی ئه‌وانه‌ی به‌شدارییان له‌ ده‌نگداندا نه‌كرد نزیكه‌ی 24% بوو.

کلیپتۆکراسی لە بەرگی نیولیبراڵیزمدا

هەتا بەر لە هاتنی قۆناغی نیولیبراڵیزمەکەی تاتچەریزم و ریگانیزم چەمکی چاکسازیی یا ریفۆرم ماناو مەفهومێکی پۆزەتیفی لە ئەندێشەی کرێکاران و هەژاران و توێژە مامناوەندییەکانی کۆمەڵگەدا هەبوو، کە زیاتر باشبوونی هەلومەرجی ژیان، خزمەتگوزارییەکان و بیمە کۆمەڵایەتییەکانی دەگەیاند. بەڵام بە جێبەجێکردنی پلان و سیاسەتە ئابوورییەکانی (مارگرێت تاتچەر) سەرۆک وەزیرانی ئەودەمەی بەریتانیا و سەرۆکە هاوقۆناغەکەی (واتە رۆناڵد رێگان سەرۆکی ئەمریکا)، ئیدی ریفۆرم مانایەکی دیکە وەردەگرێت کە زیاتر دەربڕی کەمکردنەوەی ئەرکەکانی دەوڵەتە لە بەرامبەر هاوڵاتییان، زیادکردنی رێژەی باج، کەمکردنەوەی بیمە کۆمەڵایەتییەکانە، کە پێشی دەگووترێت سیاسەتی سکهەڵگوشین. سیمایەکی ئەم سنووردارکردنەی رۆڵی دەوڵەت و حکومەت لە ئاستی ئابووریدا دەستبەستراوی دەوڵەت لە بەرامبەر بازاڕ و لە ئاستی کۆمەڵایەتیشدا دوورکەوتنەوە و فراوانبوونەوەی مەوداو کەلێنی نێوان چینەکانی کۆمەڵگە بوو.

یەکی ئایار، پارادۆکسێکی تری چەپ

سەلام مارف، حەسەن حسێن

ماوەی چەند ساڵێكە ، جیا له‌ هه‌ندێك یادكردنه‌وه‌ی لابه‌لاو دیاریكراو، لە کوردستان یەکی ئایار سازنەدراوە. ئاخر نە چینی کرێکار ئەو وشیارییە چینایەتیەی هەیە کە بیکاتە خاوەنی بزووتنەوەیەکی بەهێزی وا کە کاریگەری لەسەر بزووتنەوەی چەپ و کۆمۆنیستیی هەبێت، نە ئەمەی دووایشیان خاوەنی هەژموونییەکی فیکری – سیاسی و رێکخراوەییە کە بتوانێت (بە نماییشی چینایەتیی مەزن) مەراسیم بۆ چینی کرێکار بەرپا بکات!! رەنگە بەشێك لە کۆمۆنیست و چەپەکان لەگەڵ ئەم بۆچوونە وەیان دەربڕینەدا نەبن. بەڵام ئەمە سەرەڕای ئەوەی فاکتێکە هەروەها پارادۆکسیکیشە.
ئەوە فاکتێکە کە چینی کرێکار نەک لە ململانێ سیاسی و کۆمەڵایەتییەکان و لە گەلێك رووداوی گرنگ و هەستیاری کوردستان، بەڵکو لە پەیوەند بەو یاسا، سیاسەت و پێشهاتانەیشەوە کە راستەوخۆ پەیوەندییان بە ژیان و گوزەرانی خۆیەوە وەک چینێک هەیە ئامادەیی نەبووە و نییە. واتە هێشتا وشیاری چینایەتی لە خۆیدا نەگۆڕاوە بۆ وشیارییەک بۆ خۆی. ئەوەش فاکتێکە کە بزووتنەوەی چەپ و سۆسیالیستیی ......

بە کۆمەڵایەتیکردنی گێلێتی

گەمەی کەناڵەکانی تەلەفزیۆن بە عەقڵی هاووڵاتی

وێنەی تەلەفزیۆنیی کاریگەرییەکی ترسناک لەسەر هۆش و هزری بینەر دادەنێت و بیرۆکە و دەربڕینی تایبەت دەخوڵقێنێت. وەک ئەو کاریگەرییانەی بەرنامە سیاسییەکان لە گەڵاڵەبوونی رای گشتیدا هەیانە. یاخود ئەو جووڵە و دەربڕینانەی ناو دراماکان و بەرنامە تەرفیهییەکان کە بە زوویی دەکەونە سەر زاری هاووڵاتییان.
لێرەدا کاریگەرییە گەورە و بەرچاوەکە و لێدانە راستەوخۆکە زیاتر بەر ئەو گروپە لە کۆمەڵگە دەکەوێت کە بەرگرییەکی کەمییان هەیە و توانای خۆپاراستنییان لەو هێرشانە نییە،

گفتوگۆى ئالان ودز دەربارەى شۆڕشی فەنزەویلی

ئەزمونی مێژوویی دەریخستووەکە گروپێکی بچووک، بەباوەڕى دروستەوە، دەتوانێت رۆڵێکی یەکلاکەرەوە لەنێو بارودۆخە مێژووییەکاندا بگێڕێت، لە کاتێکدا پارتێکی جەماوەریی بەهێز، بەباوەڕى هەڵە و نادروستەوە، لە هەل ومەرجی دیاریکراودا ببێتە سفرێکی گەورە.

نهێنی خۆڕاگرتنی سەرمایەداری

سامیح سەعید عەبود 

 

 نهێنی بەهێزیی سەرمایەداری و لاوازیی نه‌یاره‌که‌ی، ئەوەیە کە سه‌رمایه‌داری سود له‌ خراپترین حەزوئارەزوو، پاڵنەرو ئەنگیزەکان و شێوازی بیرکردنەوەی مرۆڤەکان وه‌رده‌گرێت و به‌سودی خۆی بەکاریان دەهێنێت، یەکێکیش لەو ئارەزووە هەرە خراپانە بریتییە لە حەزی شێتانه‌ی بەکاربردن یا مەسرەفگەرایی، لە نمونەی ئەوەش پارە سەرف کردنی هەندێک کەسە لە مۆبایلدا ، لە کاتێکدا زۆربەی خەڵکی نانیان نییە بیخۆن.
راستی ئەوەیە کە لەمڕۆدا بەبێ هیچ زیادەڕەوییەک مرۆڤایەتی ئه‌وه‌ندە لە زانست و تەکنەلۆژیا بەهرەمەندە کە لە توانایدایە بەکارێکی زۆر کەمتر لەوەی شێوازی بەرهەمهێنان و دابەشکردنی سەرمایەداری پێویستییەتی، پێداویستییە بەکارهێنەرییەکانی گشت مرۆڤەکانی سەر زەوی دابین بکات.

سێ سەرچاوە و سێ بەشە پێکهێنەرەکەی مارکسیزم

ف. ئ. لینین 

میتۆدی مارکس، لە گشت جیهانی مۆدێرندا توندترین دژایەتی و رق لە ناو دنیای سەرمایەداریدا ( سا فەرمییەکەی بێت یا لیبراڵییەکەی )دەوروژێنێت، لەبەر ئەوەی مارکسیزم بە بیدعەیەکی زەرەرمەند دەزانێت. دیارە ناتوانین چاوەڕوانییەکی لەوەباشترمان هەبێت. ئاخر لە کۆمەڵگەیەکی چینایەتیدا کۆمەڵناسییەکی ( بێلایەن) نییە. هەر هەموو زانستی فەرمی لیبراڵیزم، بە جۆرێك لە جۆرەکان، بەرگری لە کۆیلەیی کرێگرتە دەکات، لە کاتێکدا مارکسیزم جەنگێکی بێ پسانەوەی لە دژی ئەم کۆیلەتییە راگەیاندووە.
داواکردنی بێلایەنی لە زانستدا لە کۆمەڵگەیەکدا کە لەسەر کۆیلەیتی کرێگرتە دروست بووبێت، ئەوەندە گێلانەیە وەک ئەوە وایە داوا لە خاوەنکارەکان بکەیت کە بێلایەن بن لە پرسی کەمکردنەوەی قازانجەکانی سەرمایە بە خاتری زیادکردنی کرێی کرێکاران.

ده‌وڵه‌تی سیكولار‌ و پرسی ئاینیی: توركیا وه‌ك نمونه‌یه‌ك

د. سادق جه‌لال ئه‌لعه‌زم

(I)

مه‌به‌ستم له‌م به‌شداریكردنه‌م، هه‌وڵدان نییه‌ بۆ لێكجیاكردنه‌وه‌ی ئه‌و تێكچڕژان ‌و چه‌واشه‌كارییه‌ی ماوه‌یه‌كی كه‌م نییه‌ له‌ گفتوگۆ‌ و چەنەحانێ گشتیی ‌و تایبه‌تییه‌كانی كۆمه‌ڵگای عه‌ره‌بییدا له‌ باره‌ی ماناكانی ئایین، سیكولاریزم، لیبراڵیزم، دیموكراسی‌ و كۆمه‌ڵی مه‌ده‌نیدا دروست بووه‌ كه‌ هه‌موو ئه‌م بابه‌ته‌ زیندووانه‌ش ئه‌مڕۆكه‌ بۆ هه‌موومان گرنگن.

بەرەنگاری و گۆڕانکاری

ئەدگار مۆران


ئەمەی بەردەستتان وەرگێڕانی بەشێکە لە کتێبی(جیهان بەرەو کوێ دەچێت) نووسینی فەیلەسوف و کۆمەڵناسی فەڕەنسی ئەدگار مۆران.

پێویستە لەسەرمان بەرەنگاری عەدەم ببینەوە، بەرەنگاری هێزە کانی دواکەوتن و مەرگ ببینەوە. لە هەموو گریمانەکانیشدا، بەرەنگاری پێویستە. سنووردانان بۆ مەرگ بەرەنگارییە. خەبات دژی بەربەرییەت بەرەنگارییە. ئاییندە ئیدی ئەو پێشڤەچوونە درەوشاوەیە نییە، باشتر بڵێین پێویستە بەرەنگاریی ئەو ئاییندە درەوشاوەیەش ببین کە هەڕەشەی کۆیلەیەتی و وێرانکاری دەکەن. بەشێوەیەکی فراوانتریش، پێویستە لەسەرمان، هەر لەمڕۆوە،بەبێ وەستان بەرەنگاری درۆ، هەڵە، دەربازبوون، تەسلیم بوون، ئایدۆلۆژیا ببینەوە، بەرەنگاری تەکنۆکراتی، بێرۆکراسی ،

بەرەنگاری، سیستم لە ئاوێنەدا

لە میسۆلۆژیای یۆنانیدا، میدۆسا کچە کاهینێکی جوان بوو لە ناو پەرستگاکەی ئەسینادا. رۆژێك میدۆسا لە ناو پەرستگاکەدا سێکسی لەگەڵ پۆسیدۆندا کرد، ئەسینا لەم کارە تووڕە بوو و میدۆسای کرد بە دەعەجانێك کە پرچەکانی هەموو بوون بە ماری ترسناك. بەڵام جوانییەکەی وەک خۆی مایەوە.

دەسەڵاتی پارە لە کۆمەڵگەی بۆرژوازیدا

کارڵ مارکس

بە هەبوونی توانایی کڕینی هەموو شتێك، بە هەبوونی سیفەتی خاوەندارێتی کردنی گشت شتێك، پارە دەبێتە بابەتێکی زەقی خاوەندارێتی و هەبوون. دەسەڵاتی بوونەکەیشی لە هەمەکیبوونی سیفاتەکانیدایە.

بەم پێیە ئەو وەکو خودایەك کار دەکات. پارە دەڵاڵی نێوان پێداویستییەکانی مرۆڤ و بابەت، نێوان ژیانی و هۆکارەکانی ژیانییەتی.

فیمینیزم، چۆن بووبە خزمەتکاری سەرمایەداری

نهێنیی خۆڕاگری و مانەوەی سەرمایەداریی بە تەنها هەر ئەوە نییە کە دەتوانێت قەیرانەکانی تێپەڕێنێت و بەردەوام خۆی بەرهەم بهێنێتەوە، تەنها لەو هەژموونە سیاسی – ئابووری – کەلتوورییەشدا نییە کە لەسەر مرۆڤ دروستی کردووە،
بەڵکو تواناییەکەشێتی لە گرتنەخۆ و دەستەمۆکردنی ئایدیا و بزاوتە کۆمەڵایەتییەکان تەنانەت بە رەخنەگرەکانیشەوە. بزووتنەوەی فیمینستی نموونەیەکی ئەم گرتنەخۆ و تواندنەوەیەیە لە ناو سیستمی کۆمەڵایەتیدا. وەک نانسی فرەیزەر ئاماژەی پێ دەدات لە کاتێکدا بزووتنەوەی رزگاریی ژنان بەشێک بوو لە روئیایەکی رادیکاڵانەی جیهانیی، ئێستا بە شێوەیەکی مەترسیدار لەگەڵ هەوڵەکانی نیو لیبراڵیزمدایە بۆ دروستکردنی کۆمەڵگەی بازاڕی ئازاد.

ئەنفال و ژیانی دیسپۆزەبڵ

ئەنفال بەرلەوەی لە جیاکارییەکی رەگەزپەرستانەی دەرەکییەوە سەرچاوەی گرتبێت، دەرەنجامی جیاکارییەکی قووڵی ناوەکییە کە ژیانی مرۆڤەکان دەخاتە نێو روانینێکی سوودخوازانەی (النفعیة) سیاسی ـ کۆمەڵایەتییەوە.

ئەنفال و نەژادپەرستی، دوو دەستەواژەن کە بە نزیکی بوونەتە هاولفی یەکتری،

هیوا فریودەرەکان شانۆیی سێ خوشك وەك نموونە

تۆزنباخ: کێ دەزانێت؟ رەنگە نەوەکانی دوای خۆمان، مەزنیی لەم ژیانەماندا ببینەوە و رێزی لێ بگرن....
چیپۆتیکین: بارۆن، تۆ دەڵێیت نەوەکانی دواتر مەزنیی لە ژیانماندا دەبیننەوە، بەڵام لەگەڵ ئەوەشدا خەڵکی هەر بە بچووکیی دەمێننەوە... سەیرم کەن چەند بچووکم، ئەوەی دەڵێیت ژیانم مەزنە جگەلە دڵدانەوەیك هیچی تر نییە...
چیخۆف لە شانۆنامەی (سێ خوشک)

ئیسلام و سێکسواڵیتی... سێکس وەک پاڵنەرێکی بیری جیهادیی

سەرھەڵدانی داعش گەلێک مشتومڕی بە شوێن خویدا ھێناوە، نەک ھەر لە کوردستان بەڵکو لەسەر ئاستی ناوچەکە و جیھانیش ، بە جۆرێک دەتوانین بڵێین جیھان لەم چرکەساتە مێژووییەدا بە تەواوی بەم ھێزەوە سەرقاڵە. بەوەشدا داعش گروپێکی ئایینی - سیاسییە، بۆیە مشتومڕەکانیش زیاتر رەھەندی سیاسی و کەلتوورییان ھەیە.
لە رووی سیاسییەوە داعش لە ھەناوی قەیرانێکی سیاسیدا سەری ھەڵداوە و ئەجیندایەکی سیاسی جێبەجێ دەکات، کە دەشێت ئەم ئەجیندایە ھی ھەندێک دەوڵەتی ناوچەکە یا زلھێزی جیھانیش بێت،

مارا – ساد نماییشی شۆڕشێکی تەواو نەکراو

لەگەڵ ئەوەی  شانۆنامەی مارا ‌ـ‌ ساد،  باس لە دۆخی دوای شۆڕشی فەڕەنسی دەکات، بەڵام وەك هەر کارێکی هونەریی و ئەدەبیی زیندوو بازنەی شوێنکات دەبڕێت و بە زمانێکی جیهانی خەم و خەونەکانی مرۆڤی دوای شۆڕش دەردەبڕێت. هەر بۆیە بە نزیکی لە سەرجەم ئەو وڵاتانەی کە شۆڕشیان تیا کراوە، جۆرێك لە ئاوڕدانەوە و گەڕانەوە بۆ ئەم شانۆگەرییە هەبووە و هەیە. چونکە بە نزیکی دۆخی دوای هەموو شۆڕشەکان خاڵی لێکچوونیان زۆرە،

سەدەی فەتوا

لەگەرمەی کاردانەوەو تووڕەیی گروپە ئیسلامیەکاندا بەرامبەر بە فیلمی( پاکێتی موسڵمانان)، دەزگای "١٥ خورداد"ی سەر بە کۆماری ئیسلامی ئێران بڕی ئەو پاداشتەی زیادکرد کە بۆ جێبەجێ کردنی فەتواکەی خومەینی بە کوشتنی نوسەری بەریتانی بەرەچەڵەک هیندی " سەلمان روشدی" تەرخانکراوە ، بە پاساوی ئەوەی ئەگەر بهاتبایە ئەو فەتوایە جێبەجێ بکرایە،

ئەوا کەسی دیکە پڕکێشی نەدەکرد هێرش بکاتە سەر ئاینی ئیسلام. دەکرێت ئەم فەتوایە بە خاڵی وەرچەرخان دابنێین لە پەیوەندییەکانی ئیسلام بەدنیای دەرەوەی خۆی بەتایبەت مۆدێرنە،

شۆڕش و شوناس .. خوێندنەوەیەک بۆ شۆڕشەکانی وڵاتانی عەرەبی

  مانگی رابردوو سیناتۆری ئەمریکی جۆن مەکین لەسەردانێکیدا بۆ لیبیا نیگەرانی ده‌ربڕی لەوەی هێزە ئیسلامییە توندرەوەکان دەسەڵات بەدەستەوە بگرن و ئەزموونی ئێران دووبارە بکەنەوە. هەرچەندە ئیخوانەکانی میسر، ئیسلامییەکانی لیبیاو تونس هەوڵێکی زۆر دەدەن بۆ دڵنیاکردنەوەی رای گشتی ناو خۆو دەرەوە لەوەی حوکمی ئیسلامیی دانامەزرێنن. بەڵام ئەوەی لەسەر ئەرزی واقیع له‌م وڵاتانه‌دا روودەدات پێچەوانەی ئەوەیە کە دەوترێت.

بەرەنگاری و ئومێد

کابرای ئەم دیوی دەرگاکە

لە رۆمانی (دادگایی) فرانز کافکادا، پیاوێك بەرەو دەرگایەك دەڕوات کە دەرگای بەهەشتی یاسایە. پاسەوانێك لەبەردەم دەرگاکەدا راوەستاوە، کابرا مۆڵەتی چوونە ژوورەوە لە پاسەوانەکە دەخوازێت، بەڵام پاسەوانەکە پێی دەڵێت : هەرچەندە دەرگاکە کراوەیە بەڵام ناتوانم رێت پێ بدەم بچیتە ژوورەوە.